Nongpoh, Jymmang 02: Ha kawei ka jingjia aksiden kaba la jia mynta ka step ha Nongpoh, kawei ka kali Ambulance kaba dang thmu ban leit buh ïa kawei ka metiap sha West Garo Hills kala kylla lyndang hapdeng surok ha Nongpoh ba hap ha ka surok National Highway-6 ha Ri Bhoi District.

Kumba la ioh lum jingtip, kane ka jingjia ka la jia haka por kumba 6 baje eiei mynstep ha kaba katei ka Ambulance ba la ñiah da u Rishan Kharmyndai na Nongspung bad kaba don ïa u number ML 05 X8518 ka dei kaba dang mih na NEIGRIHMS ban leit buh ïa kawei ka metiap sha West Garo Hills, hynrei ynda poi ha Nongpoh katei ka Ambulance kala kylla lyndang syndon hapdeng surok namar ka jingpynhersted ïa ka Kali

La ong ruh ki katto katne ngut kiba shong ha Ambulance ki la mynsaw malu mala.

Halor kane ka jingjia, naka liang ki pulit ka Nongpoh traffic ki la wan poi mardor ban trohkit bad la pynkit noh mardor ïa kitei kiba mynsaw sha Nongpoh Civil Hospital naka bynta ka jingsumar bad ka jingtohkit halor katei ka jingjia ka dang ïaid shakhmat.