Jowai, Jymmang 01: Tang hadien ba la lap ïa ki Bilor test snam ba la wan bret pathar khlem da don shuh ka jingkitkhlieh harud ka Wah Myntdu, uwei na u nongtrei mon sngewbha na Jowai ba la tip kum u Bah Khroo L. Pariat u la pynpaw ïa ka jingsngewkhia kaba ju rda kaba ong baki paidbah mynta ki la duh kata ka mynsiemka jingkitkhlieh ban ïada ne sumar ïaka wah Myntdu.

Haba kren halor kane ka jinglap ïa kitei ki bilor ba la dep test snam bad ba dang don snam hapoh ki bilor, u Bah Pariat u laong ba tang hadien ba la ioh jingtip hynnin ka sngi na ki nongkhwai dohha ba lap ïa kitei ki bitor test snam kiba la bret ha ka jaka kaba don tang kumba 2 metre na ka wah Myntdu bad u la buh ka jingmaham ïa kiba wan bret kane kan ktah ba lada don ka jingjur slap kin tuid beit sha katei ka wah Myntdu kaba dei ruh ka tyllong umbam umdih.

Halor kane ka jingbret bitor test snem, u la ong ba u la dep ban ujor mardor sha u Dr. G.H Chyrmang, uba dei u MFS, Member Secretary ka Meghalaya State Pollution Control Board (MSPCB) bad na ka liang ki nongmihkhmat na ka Board ryngkat ki engineer na Jowai Municipal Board ki la leit ban jurip ïa katei ka jaka bad ki la kular ruh ban leh da kaba tyngeh ïa kito kiba wan bret ïa kitei ki Bilor test snem.

Ha kawei ka bynta, u la buhr uh ka jingkyrpad kaba jur ïa ka bor synshar District, ka District Council bad wat ki MLA  bad kiwei ki tnad ba dei peit ba kin shim khia ïa kane ka kam ban khanglad na kane ka jingwan bret ïa ki jaboh ne kitei ki bilor test snem, namar kane ka ktah ym tang ïa ki paidbah ba sum ba said bad ka ktah ruh ïa kiba pyndonkam ïa ka um bad ruh ïa ka wah.