Nongpoh, May 15: Ka National People’s Party Women’s Front (NPWF) Umroi block, ka la rakhe ia ka post Mother’s Day ha ka 15 tarik u Jymmang 2026 ha Iing Dorbar jong ka Dorbar shnong Umroi Umdohbyrthih, ha kaba ka la buh ruh ia ka phang ‘Ki Kmie, ki nongtei ba jarjar jong ka jaitbynriew.’
Ha kane ka sngi la sakhi ruh da ka jingdon jong ka kong Grace mary Kharpuri MDC nongskhen Constituency kum ka kongsan, bah Rangkynsai Kharbuki kum u symbud kongsan, ka kong Damelari ryntathiang District president east khasi hills, babu P.makdoh Working President NPP umroi block, kong A.sylliang, kong R Kharrymmai Advicer NPWF umroi block, ki nongtrei jong ka Bhoirymbong C&RD Block, u bah P.B. Sylliang, Rangbha shnong Umroi Umdohbyrthih, ki longkmie ka dong ka thain lem bad kiwei kiwei.
PULE RUH || https://meghalayapost.news/news/politics/bjp-to-name-candidate-once-poll-date-declared-10013330.html
Ha kane ka sngi la pynkup burom ruh ia ki longkmie kiba la sei ia ki khun kiba wanrah nam bad burom ia ka dong ka thain, kumjuh ruh ia ki khun kynthei kiba long ki nongwanrah burom ia ka dong ka thain hi baroh kawei kiba kynthup ia ka hep Daiakmen Talang kaba la rung ha ka thup top 20 jong ka result SSLC jong ka MBOSE, ka hep Ekyrpang Sohiong, kaba la ioh rah ia ka nam best Boxer ha ka Meghalaya Boxing Championship 2026, ka hep Betshwadaphi Kharsohnoh, CBSE topper 2026, ka hep Ekyrpang Wahlang, ka heprit kaba la rwai kaba la ai kyrteng Ah! Trai ng awan phai ia kaba yn sa pyllait paitbah ha ka 22 tarik u Jymmang 2026, ka kong Mihsngewbha Rymbai kawei na kiwei nongiakhun kti jong ka jylla bad ka Ri.
Haba ai jingkren kum ka kongsan ka kong Grace Mary Kharpuri ka la ka jingiaroh ia ka NPWF Umroi Block kaba la pynlong ia kane ka program bad pynpaw ka jingsngewkmen kaba khraw na ka bynta ki khun kynthei jong ka dong ka thain kiba la wanrah burom ym tang ia ki shnong ki thaw ba ki don hynrei ia baroh ki kynthei bad ki longkmie jong ka ri bad ka jaitbynriew hi baroh kawei. Ka kong Grace ka la ia mynsiem ruh ia baroh ki riew kynthei ba kidei ban long kiba shlur bad kiba trei shitom ban kynjoh sha ka thong haka jingim khlem da sngewtlot bor hynrei ban iai trei shitom khamtam ha ka ban tei ia ki longing ki longsem ki jong ki.
SA PEIT RUH ||