Nongpoh, Jymmang 22: Ki Pulit ka Eastern West Khasi Hills District, ki la ioh ban kem noh ia uwei u briew uba la kynthoi tohmet ne palat put ha ki ‘Comment Sections’ jong ki lad pathaikhubor lyngba ki Youtube Chanel, ha ka por ba ki la pyllait khubor halor ka jingshah pyniap u Bah Tailin Lyngdoh Nonglait bad kaba la jia ha kine ki sngi ba la leit hapoh ka shnong Permadan, Eastern West Khasi Hills District.

Ia ka jingshah kem jong utei u briew, uba la ai kyrteng ialade ha Youtube kum u ‘PhilodabaBasarngaid’ bad uba la komen ‘Ia u bru be kwah iah ka lok kibru trai lok te piniap beit, la pynshisha da u Bah W. Sohlang, uba dei u Sorkar Shnong Permadan, kata ka dei hadien ba ki la wan ban kynduh ia u Superintendent of Police ka Eastern West Khasi Hills District.

Sa Pule Ruh | Kynduh DC EWKHD ka DS Permadan, kyntu buh Forensic Unit, ophis DMHO & Pynbun Pulit Kynthei

Haba kren sha ki Lad Pathaikhubor, u Bah W. Sohlang, u la ong tang mar ia iohi ba la don kiba la kynthoh palat pud halor ka jingkhlad u bah Tailin Lyngdoh Nonglait, ia kaba la suba jur ba u la shah pyniap dusmon, kumta na ka liang ka Dorbar Shnong, ki la buddien bad ban leit kynduh ia u SP ka EWKD bad kiba la ujor pyrshah ia ka kyrteng jong utei u briew uba la komen da ki ktien bym sngewiahap.

Dei mynta ka sngi, hadien ba ki briew shnong ki la leit ban buddien halor katei ka jingjia, ki la ioh jingtip na ki Pulit bad kiba la iathuh ba ki la ioh ban kem ia u briew uba la donkti ha ka ban kynthoh, hynrei ha ka jingtohkit ki Pulit, utei uba la shah kem u la ong ba um don jingtip namar ba u la kynthoh ha ka por kaba u la buaid, u la bynrap.

Sa Peit Ruh