Nongpoh, Jymmang 28: Halor ka kam runar ba la kynnoh ba uwei u runar u la rah bor ïa kawei ka heprit ba dang 8 snem  ka rta na kawei ka shnong kaba don ha ka them Ri Bhoi, da ka jingshim khia ki Pulit ka Ri Bhoi la ioh noh ban kem ïa utei u mynta ka sngi, kaba dei hadien ba kiba haïing ki la ujor da ka ejehar pyrshah ïa utei u runar.

Une u runar ba la kynnoh rah bor ïa katei ka heprit la tip kyrteng kum u Raju Syiem 43 snem ka rta bad halor katei ka jingkynnoh rah bor ïa ka heprit ki Pulit ka Ri Bhoi ki la kem noh ïa u mynta ka sngi bad mynta u dang don hapdeng ka jingtohkit Ki pulit.

Shuh shuh, kumba la ioh lum jingtip, ki Pulit ka Ri Bhoi hadien ba la kem ïa une u runar mynta ka sngi ki la rah ïa sha ka jaka jingsumar ban pyndep ïaka Medical examination bad hadien kata la rah biang ia u sha along ban bteng ka jingtohkit.

Sa Peit Ruh