Nongpoh, Jymmang 28: Kawei ka heprit ba dang 8 snem ka rta la kynnoh ba ka la shah rah bor ha uwei u runar ba ym pat lah ban pynpaw kyrteng ha kaba kane ka jingjia ka la jia ha kawei na ka shnong ha Ri Bhoi District.
Kumba la ioh lum jingtip kane ka jingjia ka la jia hynnin ka miet ha ka por 7.30 baje ei ei janmiet ba utei u runar uba dang don ka jingiaidei shi ing shi sem u la kit da bor ia katei ka heprit da ka motor bike.
Ha katei ka jingjia donbok ba katei ka heprit ka la ioh phet noh da ka bor na ka kti utei u runar bad la ioh ban iarap noh ia ka da ki nongbylla bad kitei ki nongbylla ki la leit ban aiti noh sha ka shnong ba ki bor shnong ki la pyntip noh sha kiba haing hasem katei ka heprit.
Halor kane ka jingjia, na ka liang kiba haïing hasem ki la ujor da ka ejehar sha ki Pulit ka Ri Bhoi bad na ka liang ki pulit ruh ki la shim khia mardor ban leit thwet bad ki la ioh ban kem ia u bad ruh u dang don hapdeng ka jingtohkit ki Pulit.
Sa Peit Ruh
