Shillong, Jymmang 29: Tang hadien katto katne por ba u Himanta Biswas Sarma u la shimti biang kum u Myntri Rangbah ka jylla Assam hadien ba la kut noh ka election ha Assam ba ka party BJP ka la ioh bat biang ia ka jingsynshar, u Myntri Rangbah ka jylla Meghalaya u Conrad K. Sangma mynta ka sngi u la leit ban kynduh kyrpang ia u Himanta Biswas Sarma ha ka ophis treikam jong u ha Nongbah Guwahati.

Ha kane ka jingleit kynduh ia u Himanta Biswas Sarmar la synran lang ruh da ka jingdon u Symbut Myntri ka sorkar jylla u Bah Sniawbhalang Dhar, ha kaba ki la ia kynduh kyrpang ia u na ka bynta ban ia kren halor ki mat ba kongsan kiba ktah ia ka jylla Assam bad Meghalaya ha ki shnong khappud.

Haba kren halor ka jingthmu jong ka jingiakynduh ia u Myntri Rangbah ka Assam u Himanta Biswas Sarma, u Conrad K. Sangma u la ong ba la ia kren kyrpang ia ka Lapangap ba kum ka sorkar ka kwah ban ia kren pynbeit khanang ban kut noh ki huri hura ne ki kynrum ki kynram kiba ktah ia ka shongsuk shongsain ki paidbah la ki dei na Assam ne na Meghalaya.

Also Read | Election officials prepared to conduct Rajya Sabha poll in Meghalaya

“Ngin shim khia ia la Lapangap ban ia kren bad ka sorkar Assam, ha kaba ki la ioh ruh ka jubab kaba paka ba u Myntri rangbah ka Assam u la kular ban ia shim khia lang na ka bynta ka shongsuk shongsain ki paidbah ha ki shnong khappud” ong u Conrad K. Sangma.

Ha kawei ka bynta u la buhr uh ka jingkyrpad ia ki paidbah ne ki nongshong shnong la ki dei na Assam bad na Meghalaya ban don ka jingiatrei lang bad ban pynkut noh ia kane ka kynrum kynram da ka jingiatai sani khnang ba kan nym ktah ia ka shongsuk shongsain ha khappud.

Shuh shuh, lyngba kane ka jingiakynduh u la ia kren ruh halor ka jingdonkam ban dang bteng ban ia pynbeit ia ki kam khappud hapdeng ka Assam bad ka Meghalaya bad u kyrmen skhem ba ka sorkar Assam bad ka sorkar Meghalaya kin iatrei lang na ka bynta ban pynkut noh ia ki jingeh ha khppud kiba dei tang na ka jingkajia pud kajia sam, u la bynrap.

Also Watch