Nongpoh, Jylliew 03: Hadien ba ka seng Ri-Bhoi People’s Council sengkmie mynta ka sngi kala leit ban kynduh ïaka DMHO, Ri-Bhoi District ha kaba ïadei bad ka jingbym don doctor ha SNCU bad NRC ha Nongpoh Civil Hospital, hynrei la ioh jingtip ruh ba bun naki doctor nalor ba khia ka kam bad ki duna briew ki hap ruh ban leit synran man ba wan ki heh ki haiñ sha kane ka jylla namar kane ka district ka dei ka khyrdop ban rung bad mih sha ka jylla.

Naka liang u Bah Jayson Lennox Nongrum kum u President u la ong ba ka long ka jingeh kaba khraw ïaki doctor nalor ba ki duna briew bad khia ka kam ki hap ruh ban mih naki jaka trei bad iehnoh ïaki nongpang ban leit synran pat ïa kita ki heh ki haiñ kiba wan sha ka jylla bad kum ka seng kala kyrpad sha ka sorkar jylla ba ka dei ban pyrkhat bha ba kam dei ban pynthud ïaki doctor kiba don haka kam bad kumba ka ju ong ban pynduh noh ïaka VIP Culture ka dei ban bud ïakata.

Also Watch