Sikkim, Jylliew 28: Ki Engineer jong ki shipai Indian Army bad Border Roads Organizations kila lah ban shna ïaka jingkieng kaba jrong kumba 70 phut tang hapoh 72 kynta haka jylla Sikkim, bala sdang naduh ka 23 tarik mynta u bnai, ha Dett Khola haki bynta jong u surok na Dikchu sha Sanklang khnang ba ki paidbah kin ioh ban ïaid bad ban poi sha ki thaiñ Singtham shaduh Chungthang jong ka North Sikkim.
Ka jingshna ïa katei ka jingkieng Bailey Bridge ka dei ruh ban ailad bad pynsuk ïaki paidbah ban leit ban wan hadien ka jingshah ktah jong ka jylla Sikkim naka jingshlei um bad bun ki surok kila jot bad kila duh la dam noh naka jingther u lapbah.
