Nongpoh, Jylliew 19: Ha kawei ka jingjia aksiden kaba la jia mynta ka janmiet, kawei ka kali Hyundai kaba don ia u Registration number ML 05L 8757 kaba don iaka jingthoh Press na khmat ka la ryngkoh na shiliang sha shiliang surok bad ka la leit ban Tynrah ïaka kawei ka kali Tata Nexon kaba don ïa u nombor registration *TG 07 E 5517*, bad baroh artylli ki Kali ki la julor na katei ka Aksident.
Kane ka jingjia ka la jia ha Surok bah NH6 haki bynta jong ka Shnong jyntru bad Katkum ki tyllong khubor, la ong ba kane ka jingjia ka la jia hapdeng ka 4 shiteng haduh 5 baje eiei mynta ka janmiet katba katei ka Kali Tata Nexon ka dang hiar na Shillong sha Guwahati kynsan kynsan katei ka Kali Hyundai ba la niah pynher sted da u Draibar katba ka dang kiew sha shillong ka la ryngkoh na shilliang Surok bad leit Tynrah ia katei ka kali bad hadien nangta u Nongñiah u la her krad ïalade na katei ka jaka bad khlem i dur shuh bad ih Noh ia u paralok u ba shong lang hapoh kali.
Katba, naka liang u ba shong lang ha ka kali Hyundai u la iathuh ba ka kali ka dei jong u kpa jong u bad u dang thmu ban leit sha shillong bad u Draibar Bad u la ong ba um shym la don jingtip kumno kane ka Aksident ka jia namar ba u dang ioh thiah bad u la kyndit hadien ba jia kane ka Aksident hynrei um shym la iohi dur shuh ia u Draibar jong u namar ba u la phet ïalade na kane ka jaka.
Ha kane ka jingjia Aksident ki 3 ngut ki briew kiba shong haka kali Nexon bad uwei uba shong haka kali Hyundai ki shu mynsaw malu mala katba ïa u Draibar ka Hyundai ym shym la ioh jingtip namar ba u la her krad Na katei ka jaka tang mar ia jia ka Aksident bad baroh artylli ki Kali ki la julor bun bad la tan noh daki Pulit sha Thanad.
Hadien katei ka jingjia, ki Pulit ka Nongpoh ki la poi mardor sha katei ka jaka ban pynlong ïa ka jingtohkit halor ka daw jong kane ka jing aksiden, bad ki la tan noh ïa kine ki ar tylli ki kali sha thanad na ka bynta ka jingtohkit kaba kham bniah.
Sa peit ruh
