Khliehriat, June 20: Ka lah ban dei ka sien kaba nynkong ba ka jingshah ktah ki paidbah na ka jingkhang ban tih dewiong bad ba la hiar ka ioh ka kot ki paidbah naduh ba la khang ban tih dewiong ha Rilum Jaintia, ka Jaintia Students’s Movement (JSM) Central Executive Committee lyngba ka Education Cell ka la pynlong syndon da ka jingjingïakop thoh shithi (Letter Writing Competition) ki samla pule ba ki hap ban phah sha u myntri rangbah ka jylla.
Kane ka jingïakop thoh shithi ka long kum ka sur ki samla (Voice of Youth) ha kaba ka phang kaba ki la ai ka dei, “ Impact of coal blockade and economic Recession”, ha kaba lada pynkylla sha ka Ktien Khasi ka dei halor ka jingktah na ka jingkhang tih dewiong bad ruh ka jinghiar ka ioh ka kot naduh ba la khang ban tih dewiong.
Kane ka jingïakop thoh shithi la shim bynta ki samla pule naduh ka Klas- 10, 11, 12 bad na ka bynta kito ki undergraduate, ha kaba ki samla pule ki lah ban thoh ïa ka shithi ha ka ktien Khasi lane ha ka English.
Ïa kane ka jingïakop thoh shithi kaba dei halor ka jingktah ka jingkhang tih dewiong bad ka jingktah ka ioh ka ko tba ki samla ba shim bynta ki hap ban phah sha u Myntri Rangbah ka jylla la pynlong mynta ka sngi ha Eastern College, Khliehriat ba hap ha East Jaintia Hills District.
Also read: Kharjahrin Quits As EM Of KHADC
Haba kren sha ki lad pathai khubor, u President k aJSM u Bah Leningstar Rymbai u la ong, ka jingthmu jong kane ka jingïakop thoh shithi ka long ban ailad ïa kki samla pule ba kin pynpaw halor ka jingktah ka jingkhang tih dewiong kumno ka ktah ka jingpule bad ïa ka jakpoh ki paidbah naduh ba la khang tih dewiong.
La ong ruh bun ki samla pule ki la hap ban sangeh ka jingpule tang ha ka SSLC bad HSSLC lane undergraduate ka dei namar ba bun ki la shah ktah na ka jingkhang tih dewiong, ha kaba lah ban ong ba jan baroh ki kmie ki kpa kiba phah skul ki kyrshan skul ïa ki khun na ka jingai jingmyntoi u dewiong naduh ka kam ka jam, ka kamai ka kajih bad ka ioh ka kot.
Also Watch:
Shuh shuh, u la ong ruh ba ka seng ka sdang mynta ka sngi ïa kane ka jingïakop thoh shithi ba la pynlong ha Eastern College Khliehriat bad kan sa pynlong ruh ha ka 27 tarik u Jylliew ha Jowai ryngkat ki khunsam na ka bynta kito ki nongjop bad kane long shi bynta ban ailad ïa ki samla pule ba kin pynsngew sha u myntri rangbah bad sha ka sorkar halor ka jingshah ktah ki paidbah naduh ba la khang ban tih dewiong ha u snem 2015 ha rilum Jaintia.
