Mawkyrwat, Jylliew 23: “Ka jingiaidei jongnga bad ki Nong Mawkyrwat ka la syrdoh bad shibun nga la ioh ki jinghikai” ong u Dr. DRL Nonglait haba leit ban ialap election MP shiteng samoi kum u kyrtong ka NPP mynta ka sngi ha Mawkyrwat.
Haba kren halor kata ka jingiadei bad ki paidbah ka Mawkyrwat, u Dr. Nonglait u la iathuh ba u la leit ban shakri haduh 6 snem tam kum u Principal ka Sngap Syiem College kata hadien ba u la shim ti kum u Principal ha ka 1 tarik u Jylliew jong u snem 2000 bad haduh ka 20 tarik u Nohprah 2006.
“Haduh 6 snem shiteng nga la shakri kum u Principal ka Sngap Syiem College ha Mawkyrwat bad hapdeng kitei ki snem nga la ioh jinghikai shibun eh na ki paidbah kumno ban pyniaid ia ka College” ong u Dr. Nonglait bad byrnap ruh ka jinghikai kaba u la ioh ka long ba kumno un don ka jingiaidei bad ki paidbah ne ki kmie ki kpa ne bad ki shnong ki thaw” u la bynrap.
U la ong ruh dei ha ki kam shakri ba u la nang ban burom ia ka jingim jongman lajong bad khamtam haba don ha Mawkyrwat dei ruh ki Bus kiba hikai kumno ba un thiah un dem ne ban burom ia ka por ha kaba tang shu poi poi 5 baje mynstep la hap ban khie noh ba ki Bus ki la pynsawa ia ka horn bad ruh ki paidbah Mawkyrwat ki dei kiba trei shitom bad kiba burom ia ka por.
Shuh shuh, u la bynrap ruh da kaba ong ba u kwah ban ai ka burom kaba khraw ia ki Nongmawkyrwat, ba dei ha ka jingshakri kum u Principal shibun u la ioh ka jinghikai ia la ka ka jingiam bad ha kawei ka bynta ruh u la phla ba ka jingiadei ka la syrdoh bha lyngba ki kam shakri jong u kum u Principal ha Mawkyrwat, u la bynrap.
Sa peit ruh
