Nongpoh, Jylliew 24: Kum shibynta ban pynsaphriang ïaka khubor ialeh pyrshah iaki jingdih bad ki jingbam pynbuaid, naka liang ka Ophis u District Sports Officer Ribhoi hynne ka step ka la ioh ban pynlong ïaka Jingiaid rally kaba 5 kilomiter daki bycycle ïakaba la sdang naduh na Saiden bad Pynkut pat ha Nongpoh.
Ha katei ka Jingiaid rally daki Bicycle la ïa shim bynta daki khun samla kiba naka thaiñ Nongpoh bad la pynshngain lang ruh daka jingshimbynta lang u Bah Bobby L Nongbet u DSO ka Nongpoh bad ia katei ka Rally la ioh ban kaweh lama kum ka dak ka jingsdang da ka kong Ridashisha Lyndem Senior Coach naka tnad Directorate of Sports and Youth Affairs, Meghalaya.
Sa pule ruh: Dawa Ka FKJGP Ban Thung Lineman Bad Pynthikna Ïaka Bording Haka Thaiñ Bhoirymbong
Hadien jong ka rally la ioh pat iaka program kaba lyngkot ha khmat ka Nongpoh Shoping Complex ban pynshai paidbah halor ka jingthmu jong ka Rally bad halor ka jingialeh pyrshah daki tnad sorkar bapher bapher jong ka District ban rat diengkhong iaki jingdih bad jingbam kiba pynbuaid kiba ktah iaka koit ka khiah.
Ha kane ka program la wan ban shimbynta lang da u Deputy Commissioner ka Ribhoi u Dr. Abhishek Saini kum u kongsan, ka kong NF Sunn, District Social Welfare Ophisar, J Rabha DSP Trafic Ribhoi, Rida Lyndem Senior Coach naka tnad Directorate of Sports and Youth Affairs, Shillong lem bad kiwei kiwei.
Sa peit ruh
