Nongpoh, Jylliew 24: Ka long ka jingkyrkhu bad ka jingkmen kaba khraw ïaki Longkmie jong ka Shnong Umling Lambrang bad ki Longkmie jong ka Balang Presbyterian hakaba ha kane ka sngi naka liang u MLA ka Nongpoh u Bah Mayralborn Syiem u la leit ban plie noh ïa ka Shlem treikam jong ki Longkmie kaba la tei itynnad bha ha ka Shnong Umling Lambrang.
Ïa katei ka Ïing la tei lyngba ka Skim SRWP jong u snem 2024-25 haka jinglut kaba 2 lakh tyngka ha bynta kaba shneng bad 1.50 Lakh ka bynta kaba shapoh bad ïa katei ka ïing la aiti sha ka Seng Longkmie jong ka Shnong bad Longkmie jong ka Balang Presbyterian Umling Lambrang ban pyndonkam ïaka.
Sa Pule ruh: Daka Bicycle Rally Pynlong Ka Ophis U DSO Nongpoh Ban Ong Em Ïa Ki Jingdih Pynbuaid
Ha kane ka program la ia donlang da u Bah Mayralborn Syiem MLA ka Nongpoh kum u kongsan haka jingiadonlang u Bah Balajied Rani MDC Barim ka Nongpoh, bah Nekson Nongrum Rangbah Shnong, Kong Ïosti Maring President Seng Kynthei Shnong, Jong Sailinda Lyngdoh Secretary, Kong Ritalin Maring President Seng Kynthei jong ka Balang, kong Marila Makri Secretary bad u Tbn K Makri Incharge jong ka Seng Kynthei bad u Tbn NS Nongpoh Incharge ka Balang.
Ha kane ka sngi nalor katei ka iing, u MLA ka Nongpoh u la aiti ruh iaka work order sha ka Shnong naka bynta ban tei ïaka kynroh ban ker kut sawdong iaka iing mane jong ka Balang Presbyterian.
Sa peit ruh
