Ha ka jingiakhun ba-ar jong ki kynhun kiba don ha ka Group-D, ka Brazil ka la lah pynliem ia ka Paraguay da 4-1 bad kaba la nangpynjan ialade ban rung sha ka Round-16 jong ka Copa America.
Katei ka jingiakhun hapdeng kitei ki ri, ka la long ha Allegiant Stadium, ha kaba ka jingiakhun ka long kaba itynnad bha, namar kitei ki ri, ki kwah ban khur ia ka namjop, khnang ba kin ioh bsuh khlieh ialade sha ka Round-16 ha katei ka lympung.
Ha katei ka jingiakhun, ka Brazil ka la lah ban lamkhmat ia ka jingiakhun lyngba ka kol kaba la thep da u V. Junior ha ka minit ba 35 jong ka jingiakhun, bud sa ka kol na u Savio ha ka minit ba 43 bad ki la pynkut ia ka kylla sa da ka kol kaba la thep ha ka minit 45 lyngba u V.Junior.
Haba bteng ka kylla miet jong ka jingiakhun, ka Paraguay ka la iakhun tyngeh ban pynphai ia kitei ki kol, ia kaba la thep da ka Brazil bad ha kaba kum katei ka por, ka la ioh ia ka kabu ban pynphai shi kol lyngba u O. Alderete ha ka minit ba 48. Katba ki minit ha ka jingiakhun ki la iaid shakhmat, ka Brazil ka la ioh biang ia ka kabu ban thep kol lyngba u Lucas Paqueta ha ka minit ba 65 bad hadien kata ym don shuh kiba la thep, kaba la pynlong syndon ia ka Brazil ba kan jop ia ka Paraguay da 4-1.
