Ka Switzerland kaba wan ha ka kyrdan ba-ar ha ka Group-A, kan sa iakhun pyrshah ia ka Italy ka kynhun kaba wan ha ka kyrdan ba-ar ha ka Group-B mynta ka miet bad kadei ka ruh ka jingïakhun ba nyngkong haka Round-16 jong ka Euro Cup 2024.
Khyndiat kum ban shu kdew hangne, ka Switzerland kaba don ha ka Group-A, ka dei kaba la donlang ka Germany, Hungary bad Scotland, ha kaba na katei ka Group, ka Germany kaba la wan ha ka kyrdan nyngkong, kaba ioh 7-point, kata hadien ba ka la jop ar-sien bad iakhaid shisien, katba ka Switzerland ka don ha ka kyrdan ba-ar, ha kaba ka jop shisien bad iakhaid ar-sien kala ioh 5-point.
Katba ka Italy ka dei ka kynhun kaba don ha ka Group-B, ka dei ka kynhun kaba wan ha ka kyrdan ba-ar bad kala ioh 4-point, kala jop shisien, iakhaid shisien bad shah rem shisien.
Ka Italy ka dei kaba donlang ha ka Group B bad ka Spain, Croatia bad Albania, ha kaba ka Spain ka dei kaba don hakhlieh duh jong ka miej iakhein point, kaba la ioh 9 point, namar ba ka la jop na baroh lai sien ki jingiakhun.
