Shillong, Jylliew 26: Ki pulit pyniaid kali ka nongbah Shillong, ha tyngkat bad ki pulit SOT jong ka East Khasi Hills District, ki la pynjur ia ka jingtalasi ia baroh ki kali bad ki ar shaka ha ka thaiñ Police Point, Laitumkhrah.
Na ka liang ki pulit ki la iathuh ba ka jingtalasi kadei hadien ba la ioh jingujor ia ka ki jingiaid khlem akor ki kali bad ki ar shaka, ka jingpynher sted, bad kiba bun ki kiba pynkheiñ ia ki aiñ kiba iadei ki Motor Vehicle Act.
Kum ban shu pynkynmaw, ka nongbah shillong ka la long kawei na ka jaka ba ki kali bad ki ar shaka ki ju pyndonkam ia ka surok kum ki jaka leh stunt bad bun ruh ki ngat ha ki jingjia basngewsih., bad kane ka pynlong ia ka tnad pulit ban talasi naphang ia baroh khlem da map wat ia ki heh ki haiñ.
Sa peit ruh
