Shillong, Jylliew 28: ” Ailad ia u Dr. DRL Nonglait ban leit thaw ain ha Parliament bad ym shuh ban leit rah da ka memoramdum sha Delhi” ong u Bah Charles Marngar haba pan ka jingkyrshan na ki paidbah ban pynjop ia u Dr. DRL Nonglait ha kane ka election MP shiteng samoi na Shillong Parliamentary Constituency haba kren ha ka jingialap election hynnin ka janmiet ha Mawkriah.
Haba kren ia kitei ki kyntien, u Bah Charles Marngar MLA ka Mawhati, u la ong ba u Dr. DRL Nonglait u la don bynta ban wan rah ia ka Shillong Medical College, ka Shillong Engineering College bad ka State university bad kham tam ban iakhun bad ban dawa ban pynrung ia ka Ktien Khasi ha khyrnit ba phra ka riti synshar bad ruh ba ka sorkar ka la pdiang ia Ktien Khasi kum ka ktien sorkar ba shen ki MLA kin ioh noh ban kren da ka ktien Khasi ha Assembly.
U la ong ruh baroh shi katta u Dr. DRL Nonglait u hap ban pyndonkam tang da ka memorandum ban dawa na ka sorkar pdeng ia ki mat ki jura ka jaid bynriew, hynrei lada ki paidbah ki pynjop don burom ha kane ka kynti un sa leit hi da lade sha Parliament ban thaw ia ki aiň kiba iada ia ka jaid bynriew barit paid jongngi.
Sa pule ruh: Ha U Snem Ban Wan Yn Pyndep Noh Ïaka Shillong Ropeway Project: Sanbor Shullai
U la pynpaw ruh ba u Dr. DRL Nonglait u dei u briew uba la biang pura ban shim ia lyngkor kum u nongialam ban iasaid ha Parliament kumba u la dep leh shibun ki kam na ka bynta ka jingdonkam ka jaid bynriew bad kum ki paidbah ki dei ban sngewthuh ban jied ia ki nongialam dei ban jied da ka jingstad bad ym ban shu shah ialam bakla ha kiwei kiba shu pynthame khlem da leh ia ki kam.
Shuh shuh, u la kren ruh halor ka jinghiar ka mynsiem bym sngewnguh ha kine ki sngi bad kum u Dr. DRL Nonglait u la dep ban leh shibun ki kam kiba dei na ka bynta ka bha ka miat u paidbah ha kaba ngi hap ban sngewnguh ia u halor kita ki synniang kiba u la noh synniang sha ka jaid bynriew, u la bynrap.
Sa peit ruh
