Shillong, Jylliew 27: U Bah Sanbor Shullai, U Myntri ka sorkar jylla bad MLA ka South Shillong, u u la ong ba ka Shillong Ropeway Project, kaba shongdor kumba 150 klur, la khmih lynti ban pyndep noh ha u snem ban wan hadien ba ka jingslem ban pyntrei naka jingslem ban ioh ïaka Clearance.
Haba kren hadien ka jingleit jurip ïa ka projek hapoh ka prokram Pragati Prabhagat Path Yatra, kaba rakhe ïa ka jingdap 12 snem ka sorkar u Narendra Modi, u Shullai u la ong ba ki ophisar na ka KEC-TCL bad ka Engineering Wing jong ka tnad jngohkai pyrthei ki la pyntikna ba ka jingtrei kala ïaid shaid shaid.
Kane ka ropeway kan pynïasoh ïa ka Shillong View Point sha Madan Laban. Watla ha ka kontrak la buh por lai snem ban pyndep ïa ka projek, hynrei ka agency kaba pyntrei ka la pynpaw ba yn lah ban pyndep noh ïa ka ha u snem ban wan.
U Shullai u la pyntip ruh ba ka Sorkar ka la mynjur ban siew Rs 3 klur kum ka jingïarap na ka bynta ka jaka sha ka Raid Laban Dorbar, bad haduh mynta la dep pyllait Rs 1.50 klur. U la ong ruh ba ynda la treikam ka ropeway, ki trai shnong ki dei ban ioh kam nyngkong bad kumjuh ruh ki dukan.
Pule ruh:Ba Bun Ki Ba Pynkhein Ain, Pynjur Jing Talasi Ki Pulit Ka East Khasi Hills
Katkum ka jingong jong u, ka projek ka la shah pynslem hadien ba la mudui Public Interest Litigation (PIL) ha Meghalaya High Court da ki riew shim kabu, hynrei ka ïingbishar ka la kyntait ïa katei ka PIL bad ai jingjop ïa ka tnad jngohkai pyrthei.
U la ong ruh ba la ioh jingbit na ka Union Ministry of Environment, Forest and Climate Change, ryngkat ka kyndon ba dei ban thung 10 tylli ki dieng man ba khyllem uwei.
Shuh shuh, u la bynrap ruh da kaba ong ba ha ka liang ka ioh kam ka ioh jam bad ki dukan yn phai khmat shwa ia ki samla trai shnong, kaba long kum ka jingkyntiew ia ka kamai kajih lyngba ka jingwan poi ki nongjngohkai pyrthei.
Peit ruh:
