Guwahati, Naitung 06: Ka long shisha ka jingsarong bad ka burom ia ka jylla Meghalaya haba phai sha ki kam ak phlim ha ka jylla, ha kaba u wei na u Tyngshop ba la kham paw ha ka jylla u Samla Lansius Syiemlieh na Ri Bhoi District hynnin ka sngi u la ioh pdiang ia kawei ka khusnam ba ba la tip kum ka PRAG CINE Awards 2026, Norh East India ha Nongbah Guwahati bad kane ka jingioh pdiang ia ka khusnam ka long shi bynta kiba ia dei ban pynshlur halor ki kam ak phlim.
Lyngba katei ka Khusnam, u samla Lansius u la ioh pdiang ia ka nam kum u Best Actor ha North East lyngba ka phlim kaba u la pynmih bad ak hi ba la ai kyrteng ‘Tang shiteng Por’.
Ka long ruh ka jingsarong ban ioh pdiang ia katei ka khusnam kum u nongak phlim ba tbit tam ha North East (Best Actor in North East), namar na ka jylla Meghalaya dei tang u Samla Lansius Syiemlieh uba la ioh pdiang ia kane ka khusnam ba la tip kum ka ‘ PRAC CINE AWARDS 2026, North East India’.
Haba ioh pdiang ia kane ka khusnam, u Samla Lansius Syiemlieh u la pynpaw ka jingsngewkmen bad u la ai ruh ia ka burom sha u Blei, sha ka ing ka sem bad ki paralok kiba ju kyrshan ia u ha ki kam ak phlim.
Shuh shuh, u la ong ruh kane ka jingioh pdiang ia kane ka khusnam ka long ka jingai mynsiem ia u ba un dang lah ban dang pyntbit ha ki kam ak phlim bad u kyrmen skhem ruh lyngba ka jingioh pdiang ia kum kine ki khusnam kan ai mynsiem ruh ban dang kyntiew ia ki kam ak phlim ki ban ai jingmyntoi ia ki khun samla ym tang ban ioh ak phlim bad ba kan long ruh kum ka rynsan ai kam ai jam ia ki samla hapoh ka jylla, u la bynrap.
Sa peit ruh
