Nongpoh, Naitung 06: Ka Lympung ïalehkai football jong ka Ophis u District Sports Ophis, Ribhoi District kaba la tip kum ka District Level Inter School Subroto Cup International Football tournament ka la poi noh sha kaba kut hapdeng ka jingïakhun phainal hapdeng ki 6 tylli ki skul naka them Ribhoi ïakaba la pynlong ha Madan ïalehkai Umroi Nongrah.
Ïa katei ka lympung la wan ban pynkut noh da u MLA ka Umroi u Bah Damanbait Lamare kum u kongsan hakaba la wan ban pynshit pynshngain lang da u MLA ka Mawhati u Bah Charles Marngar, Bah Bobby L Nongbet District Sports Ophisar Ribhoi, Bah R Kharbuhki 2nd Incharge PIC Khapmara, u Bah Savio D Blah, District Science Supervisor DSEO Ribhoi lem bad kiwei kiwei.
Haka jingïakhun Final jong ki kynthei kiba hapoh ka 17 snem ka rta, ka Nongjri Presbyterian Sec.School ka la ïa khun pyrshah ïaka Mynken Christian Hr Sec School bad kane ka jing ïa knieh ban rah ïaka nam lah duh ka long shisha kaba itynnad bad ha kaba kut kapor ka Nongjri ka la lah ban pynliem noh iaka Christian da 2 kol la shi kol.
Sa pule ruh: ‘Mission Education’ Gave New Look to Government School Buildings Across Meghalaya
Haka jingïakhun ïaka phainal jong ki shynrang kiba hapoh ka 15 snem ka rta, ka Mynken Christian Hr. Sec. School ka la pynliem noh ia ka Nongjri Presbyterian Sec School da 1 kol la 0. Katba haka jing ïa knieh ban rah ïaka nam lahduh jong ki shynrang kiba hapoh ka 17 snem ka rta ka Mynken Christian Hr. Sec. School ka la lah ban pynliem iaka Nongjri Presbyterian Sec. School da 2 kol la shikol.
Hadien ba la wai noh ka jingïalehkai naka liang ka ophis u DSO Ribhoi ka sam ruh ïaki khusnam sha baroh ki skul ki ba kynthup naduh ki kynhun lahduh bad ki kynhun kiba la shah rem noh ha katei ka phainal bad kumjuh la sam ruh ïaki khunsam shimet bad Naka liang ka ophis u DSO ka la pyntip ruh ba Kitei ki skul kiba long kum ki lahduh kin ïoh ban leit mih khmat naka District ban leit ïa shim bynta haka State Level Inter School Subroto Cup ka ban sa long ha Nongbah Shillong.
Sa peit ruh
