Nongpoh, Naitung 10: Kawei ka Longiing jong i kong Ribahun Ryntathiang iba shong ba sah haka shnong Shangbangla i la ioh ban pdiang sngewbha ïaka dukan kaba la pynshna daka kynhun ÏARAP BAN KNER kaba dei kawei naki kynhun treimon sngewbha jong ki khun samla ka thaiñ Nongpoh.
Ïa katei ka dukan la aiti noh mynta ka sngi da katei ka kynhun sha katei ka Longïing hakaba la sakhi daka jingiadonang u Rangbah Shnong Shangbangla u Bah Viceroy L Mawnai, u Samla Rapbanker Sohtun President ka Kynhun, Samla Risoi Kshiar secretary bad u Vice President ka kynhun Samla Shanbak Kshiar.
Kumban shu kdew, Ka Ïarap Ban Kner kadei kawei naki kynhun treimon sngewbha jong ki khun samla kaba don ruh ïaka thong ban kner ïaki jingiarap sha kiba donkam khamtam naka bynta kiba duna haka ioh ka kot bad kane ka jingioh ban aiti noh ïaka dukan kadei Sienjam kaba ba kum ka kynhun ka da angnud eh ban ïarap ia katei ka Longiing bad kane ka dei ka sienjam ka baar, hakaba Nyngkong ka la dep ban pynshna bad aiti daka iing thymmai sha kawei ka Longïing ha u snem ba la dep.
Haba kren naka liang u Samla Rapbanker Sohtun u Nongïalam ka kynhun u la ïathuh, hapdeng ka jingiaid lynti ka kynhun la shem ba katei ka Longïing ka don hapdeng ka jingduk jingkyrduh bad ki shong ki sah haka iing kaba ym I long shuh namar ka jingjot jingpei.
U la iathuh ruh, ban pynshna iaka iing thymmai kan bun ka jinglut bad ki shem Jingeh namar ba kum ka kynhun ka don iaki dkhot kiba shu bylla sngi hynrei ki la poi kynmaw pat ban pynseng daka dukan khnang ba kan long kum ka umpohliew ka ban ïarap bsa bam iaka iing ka sem katba hakaba iadei bad ka iing ki la dep ban ïa kren bad u Rangbah Shnong ban pynioh jingiarap naka sorkar bad naka liang u Rangbah u la longkloi ban ïarap ia katei ka Longïing.
U la iathuh ruh, kum ka kynhun ka shem jingeh ban pynlum Pisa namar ba ki dang long tang ki samla pule bad kiba trei iaki kam malu mala hynrei kim shym la sangeh ïa katei ka kam ki la ia trei bor bah dakaba leit ban shna Hi ia katei ka dukan ha ryngkat ka jingiasnohkti lang ki briew Shnong naka Shnong Shangbangla haduh ban da dep ka kam.
Naka liang i kong Ribahun Ryntathiang ba pdiang ia katei ka dukan, ka la Pynpaw iaka jingsngew nguh ia katei ka kynhun kaba la shim shisha iaka jingbah khlieh ban pynseng daka dukan thymmai naka bynta ka iing ka sem jongka.
Ka la iathuh ruh, ba kum ka iing ka la hap ban mat ïa shibun ki jingeh ban pyndap pynbiang iaka iing ka sem namar ka jingduna haka ioh ka kot. Ka la Pynpaw iaka jingsngewnguh ïa katei ka kynhun ba ki la iohi ia ki jingeh jong ka bad ka la ong ruh ba lyngba katei ka dukan kan long shisha ka umpohliew ka ban lah ban kyrshan ia ka iing ka sem jong ka.
Sa peit ruh
