New Delhi, Naitung 10: Ki nongrep sohtrun naka jylla Meghalaya kiba la poi sha Nongbah Delhi ban die ïaki soh kiba kila trei shitom kila pynpaw ka jingsngewnguh kaba khraw ïaka sorkar jylla hapoh ka jingïalam u Conrad K Sangma u ba la iohi jngai kumno ban kyntiew ïaki nongrep bapher bapher ka jylla.
Katto katne ki nongrep sohtrun kiba don napdeng jong ki ruh kiba dang dei ka sien nyngkong ban poi sha Delhi kila ong ba ka sorkar kala lehbha namar kim donkam ban siew eiei bad ka sorkar kala leh nadong shadong ban pynpoi ïa u sohtrun sha Delhi bad ka jingiohnong ka dei ka jong ki.
“Mynta kala pynsuk shikatdei ban shalan ïa u sohtrun bad wat shabar ri ruh” la ong uwei naki nongrep haba kren sha ki lad pathai khubor da kaba bynrap ruh kim lah khlem da sngewnguh ïaka sorkar kaba la shim ïaki sienjam bapher bapher ban kyntiew ïaki nongrep naduh ka thung haduh ka die bad ban pyniaid iew ïaki.
Sa peit ruh
