Rung NPP ki Congress bad na kiwei ki Party ha ka sngi ialap Ilekshon u Dr. DRL Nonglait ha Iew Mairang

Mairang Naitung 12: Ki nongialam ha ryngkat ki nongkyrshan na ka Congress lem bad ki nongialam na kiwei ki Party, ki la pyniasoh noh ialade sha ka NPP, ha ryngkat kaba rai ba kin ai ka jingkyrshan kaba pura ia u Dr. DRL Nonglait, Kyrtong ka NPP ha kane ka Ilekshon Shiteng Samoi na Shillong Parliamentary Seat.

Katei ka jingwan pyniasoh NPP da ki nongialam bad nongkyrshan na kiwei ki Party, ka dei ha ka sngi, ba ki heh nongialam ka NPP, kiba kynthup ia u Ma Sniawbhalang Dhar, u Bah H.M Shangpliang, u Bah Hamletson Dohling lem bad kiwei, kiba la hiar sha Iew Mairang, na bynta ban pynlong ia ka jingialang paidbah ban ialap Ileshon na bynta u Dr. DRL Nonglait.

U Dr. DRL Nonglait, haba u ai jingkren ha katei ka sngi, u la pan jingkyrshan na ki paidbah ka thain Mairang lem bad na ki paidbah ka West Khasi Hills hi baroh kawei, ha kaba u la kyrpad ia ki, ba kin kyrshan bad ban pynjop ia u ha kane ka Ilekshon shiteng Samoi, khnang ba un ioh ban trei ia ki kam bad ki ban long ka jingmyntoi ia ki paidbah.

Sa pule ruh: Tang Naka Jinglynguh Ka Tdem Shapoh Bym Lah Ring Mynsiem, Ïap 5 Ngut Na Ka Daw Ka Jingpynkhuid Pung Um Ha Lapalang

Ha ka jingkren u Dr. DRL Nonglait, u la pynpaw ia ka jingsngewkhia halor ka jingbymdon wat tang kawei ka Campus University, khlem da iakren ia kita ki University, ha ki lai tylli ki District ha katei ka thain, kata kiba kynthup ia ka West Khasi Hills, South West Khasi Hills bad Eastern West Khasi Hills, ha kaba u la ong ba daw kaba pynlong ba kitei ki District kim don wat tang ia Campus University, ka dei namar ba ym don ki nongmihkhmat kiba iohi jngai, na bynta ka jingmyntoi jong ki samla pule.

“Lada ki paidbah kin pynjop, nga iakren sha Delhi halor ka jingdonkam ba kyrkieh ban rung noh ka Ktien Khasi ha Khyrnit ba Phra, ka ILP bad kumjuh ruh halor u pud u sam uba thikna hapdeng ka Meghalaya bad Assam, ong u Dr. DRL Nonglait.

Namarkata, na ka liang u Dr. DRL Nonglait, u la kyrpang ia ki paidbah, ba kin ai ka jingkyrshan bad ban pynjop ia u, khnang ba un ioh kren bad ban pynurlong ia Campus University lem bad ia kiwei ki mat ba donkam na bynta ki samla pule ha kitei ki lai tylli ki District.

La ioh ruh ia ka jingkren na u Ma Sniawbhalang Dhar, ha kaba u la kyntu ia ki paidbah ba ki dei ban ai ka jingkyrshan ia u Dr. DRL Nonglait, namar u dei u briew uba la bit la biang ka jingnang jingstad bad u briew ba la shemphang, ha kaba u la ong ruh ba lada ki paidbah kin pynjop ia u Dr. DRL Nonglait, kan long ka jingkyrkhu kaba khraw na bynta ka jylla hi baroh kawei.

Sa peit ruh