Shillong, Naitung 22: Â Ryngkat placard bad ki banner ki khun ki hajar ka Hima Langrin mynta ka step ki la leit tur sha ka ophis ka Khasi Hills Autonomous District Council (KHADC) ban dawa syndon na ka bynta ban weng mardor ia u Nongtei Sing Syiemiong kum u Syiem ka Hima Langrin.
Kine ki khun ki hajar ka Hima Langrin ba la kot da ki spah ngut ki tur sha ka ophis ka KHADC ryngkat ki jingthoh bapher bapher ban dawa ba dei ban thung noh da u syiem ba pura ka Hima Langrin.
Kum ban pynpaw, ia u Syiem Nongtei Sing Syiemiong la dep ban weng teng kum u syiem, hynrei ka executive committee (EC) ka KHADC kala thung biang ia u kum u Syiem ba pura ka Hima Langrin.
Lyngba kane ka jingleit tur sha ka ophis ka KHADC, ki khun ki hajar ka Hima Langrin ki la dawa ia u Nongtei Sing Syiemiong ban hiar shuki noh kum u Syiem ka Hima Langrin bad ki la dawa ruh ia ka KHADC ba ka dei ban burom ia ka sur jong ki khun ki hajar ka Hima Langrin ban thung noh da uwei pat u syiem ba pura.
