Nongpoh, Naitung 23: Ki longiing kiba mad ïaka jingjynjar haka shnong Pahamlang ha Ri-Bhoi District nakadaw ka jingshlei um, ryngkat ki nongïalam ka Ri-Bhoi People’s Council, sengkmie mynta ka sngi kila leit ban ïakynduh syndon ïa u Additional Deputy Commissioner ka Ri-Bhoi District u Jonathan Shylla ban ïakren halor ki lad jingïarap ba ka sorkar ka dei ban pynkloi hadien ka jingshah ktah kaba shyrkhei kitei ki longiing ha katei ka shnong.
Kitei ki nongshong shnong ka Pahamlang kila kynnoh ruh ba mynshuwa kam ju don ka jingshlei um ha katei ka shnong hynrei dang ha kine ki khyndiat snem kane ka jingjia kala wan jia ba ka um haka por ba heh slap ka tap naduh tnum iing briew namar kam don shuh ka jaka tuid kaba biang bd la kynnoh ruh ba kadaw baroh ka dei namar ka jingtih khyndew ka jaka jong u Bah Renikton Lyngdoh u ba dei ruh u MLA ka Mawkyrwat.
Haba kren sha ki lad pathai khubor naka liang u Bah Jayson Lennox Nongrum lem bad ki longkmie jong katei ka shnong kila kyrpad ba ka sorkar lyngba ki bor district ki dei ban leh eiei ban pynkloi ïaki jingïarap sha kitei ki longiing kiba la duh noh baroh ki jingdon jingem bad khamtam ban pynlong ruh ka jingjurip mardor ïa katei ka jaka kaba la tih khyndew da u MLA ka Mawkyrwat khnang ba ki paidbah ha katei ka shnong kin nym mad jingeh shuh hadien habud.
Sa peit ruh
