Shillong, Naitung 23: Ki nongdie jingdie ha rud surok haki thain Them Iewmawiong, Motphran, Bimola, Wahthapbru bad Umsohsun kila pynpaw ka jingpyrshah iaka Plan jong ka Sorkar Jylla ban pynkynriah iaki sha ka jaka ieng kali kaba don ha Anjalee.
Ia kane ki nongdie madan kila pynpaw ha khmat ki Ophisar ka tnat Shillong Municipal Board (SMB) kiba la leit jurip iaka jaka ieng kali ha Anjalee.
Haba ioh jingtip halor kane ki nongdie madan kila poi sha katei ka jaka bad kila pynpaw ba kim treh da lei lei ruh ban wan die jingdie ha jaka ieng kali Anjalee daka ba kynnoh ba kala khapngiah lypa.
Sa pule ruh: Byrngem shah thngan ki paidbah ha KHADC, lada ym weng mardor ia u Syiem ka Hima Langrin
Kila kynnoh ba watla ka jaka ieng kali kala khapngiah lypa, hynrei ka Sorkar ka thmu ban thynñian iaki briew kumba thynñian jhur.
“Balei ka Sorkar kam pynkynriah bad ai jaka ha Stand Jaiaw bad balei ka shna jaka ieng kali pynban. Ki la ong ba ka Sorkar ka don kaei kaei sha lyndet daka ba thmu ban iuhroit ia ngi kiba die madan” la ong ki nongdie madan.
Ki la pynpaw ruh ba ki kloi ban ia umsnam bad kin nym kynran dien, lada ka sorkar thmu ban pynkynriaj jaka sha jaka ieng kali ha Anjalee.
Sa peit ruh
