Nongpoh, 28 Naitung: Haba ai jingkren ha ka jingialang ialap Ilekshon ka NPP na bynta u Dr. DRL Nonglait, kaba la long hynnin ka janmiet ha shnong Umdihar, kaba hap ha Umsning Constituency, u Dr. Celestine Lyngdoh, MLA Umsning, u la ong ba ha kane ka juk ba mynta, ym lah ban buhrieh, ha kaba baroh ki kam ba ngi leh la bha ne sniew bad kiei ba ngi kren ki paw lut ha ki rynsan Social Media.
Lyngba ka jingkren hakhmat ki paidbah, u Dr. Celestine Lyngdoh, u la ong ba la saphriang bha ha ki rynsan Social Media, ia ka jingkren jong uwei u riew rangbah bad uba long kum uwei na ki Kyrtong ha kane ka Ilekshon MP Shiteng Samoi na Shillong Parliamentary Seat, ha kaba ka jingkren jong u ha ka Doordarshan TV, u la kren shai ba um ju thep Vote, hynrei kumno mynta pat u ieng ban iakhun Ilekshon bad pan jingkyrshan na ki paidbah, ba kin thep Vote sha u bad ka dei ka sobjek kaba la eh ban iakren.
Kumta na ka liang u Dr. Celestine Lyngdoh, u la kyntu ia ki paidbah ba kin jied bad ban pynjop ia u Dr. DRL Nonglait, Kyrtong ka NPP ha kane ka Ilekshon Shiteng Samoi, da kaba ong ruh ba u dei u briew uba la nang la stad ba kum u riew rangbah uba la shemphang, ia kaba kum ka jylla hi ka donkam ia u ban phah sha Delhi.
Sa peit ruh
