Delhi, Naitung 01: Kumba mynta ka sngi ka 1 tarik u Naitung 2024, la rakhe kyrpang hapoh ka ri India kum kata ka sngi kyrpang ki Doctor (Doctor’s Day), u Myntri rangbah ka ri India, u Narendra Modi mynta ka sngi u la shim ia kabu ban ai khublei kyrpang ia baroh ki Doctor hapoh ka ri India ha kane ka sngi ka jingrakhe ia ka sngi kyrpang ki Doctor.
U Narendra Modi u la pynpaw ruh ha ka rynsan X, ba ka sorkar India, ka la phai khmat bha na ka bynta ban pynbiang ia ki lad ai jingsumar bad ki jingdonkam ki paidbah ha kaba ia dei ba ki jingsumar ne ki jingdonkam ha ki jaka ai jingsumar ha kylleng ka ri India bad kum ki Doctor kiba la aiti met bad mynsiem halor ki kam shakri jongki, ki don hok ban ioh ia ka jingiaroh kaba khraw bad ka burom, kiba dei ha ki kam shakri jongki na ka bynta ban sumar ia kiba pang ba shitom.
