Khliehriat, Naitung 31: Naduh ka por 6 baje mynstep mynta ka sngi la sdang mih ka jingklumar halor ka jingthmu pynlong ia ka Public hearing ka Kompani Shree Cement ha Lum Syrman, Daistong, namar la don ka jingpynjulor iaki Kali bad la khang lynti ruh ban iaid ki Kali da kaba la tih thliew ia ka surok ha Lad Tongseng.
Kumba la jia mynta ka step kito kiba thmu leit sha ka Public Hearing kim ioh lad shu ban leit ba ia ka surok la tih da ka thliew bad ki kali kim lah shuh ban iaid na katei ka surok.
La kynnoh ruh ba ia katei ka surok la tih thliew da kito kiba kyrshan ia ka Public hearing ka shree Cement bad la mih ruh ka jingiakawang maw bad ki jingiapynjulor ianki Kali ba wat ki bor pulit ruh kim lah ban leh ei ei.
Ki paidbah ba thmu leit sha Public hearing kim ioh lad shuh ban leit ba la khang lynti bad ki nongialam seng bhalang naduh ka KSU, JNC, JSU, HSYF bad kiwei ki seng ruh kim ioh lad shuh ban leit ba la leh donbor da kito ki kynhun ba pdiang ia katei ka Public hearing ka Shree Cement.
Peit ruh:
