Shillong, Nailar 05: U President ba rangbah ka VPP bad uba dei u MLA ka Nongkrem u Bah Ardent Miller Basaiawmoit mynta ka sngi u la ban khia biang ba ka jingiaid paidbah sha Secretariat ha ka 6 tarik u Nailar 2026, ka dei ka jingiakhih kaba jai jai bad kyrpad ruh ia kito kiba wan kyrshan ba kim dei ban pynmih kano kano ka huri hura kaba ktah ia ka shongsuk shongsain ki paidbah.
Haba kren sha ki lad pathai khubor, u Bah Ardent u la ong ba kane ka jingiakhih kam dei ka jingiakhih jong ka party VPP bad ka dei ka jingiakhih u paidbah ban dawa ia ka hok u paidbah halor shibun ki mat ba la wan rah da ka VPP ba ka sorkar kam pat lah ban leh ei ei.
U la ong ruh ba kitei ki mat ba rah ka party ka dei kaba ai jingmyntoi ia ka party bad ka dei ka jingmyntoi jong u paidbah ba kum ka party ka iakhun naduh ka thungkam thungjam, ka khyndew ka shyiap bad kiwei kiwei ki hok kiba ka sorkar ka hap ban sngap ia kane ka mad kaba dei ka jingmyntoi jong u piadbah.
Kum u nongialam ba hakhliehduh ka VPP, u Bah Ardent u la maham lypa ruh ia kino kino kib kiba pyrshang shim kaba ban wan rah ia ka kynrum ka kyram ha katei ka sngi ba mih paidbah ban tur sha Secretariat bad na ka liang ka party kan shim da ki lad kiba tyngeh lada don kino kino kiba pyrshang ban pynsniewdur ia kane ka jingiaid paidbah ba ka VPP ka ieng ban dawa ia ka hok ki paidbah.
