Khliehriat, Nailar 05: Ki nongïalam jong ka Seiñ Raij Sohkymphor kila pynkhreh shaid shaid ïaka jinglehñiam Behdeiñkhlam 2026 haka shnong Sohkymphor, East Jaintia Hills District ka ban sa long haka 11 tarik Nailar naka bynta ban pynlong ïa katei ka jinglehñiaam kaba phuh ba phieng bad la khmih lynti ruh palat 10 hajar ngut ki paidbah kin wan ban sakhi ha katei ka sngi.
Haba kren sha ki lad pathai khubor u Bah Phaiwon Suchiang President ka Seiñ Raij Sohkymphor u la ong ba la thaw ïaka komiti naduh ba sdang jong u snem namar ka jingpynkhreh kala ïaid shaid shaid ban pynïaid beit ïaki kam ki jam bad ha katei ka sngi u Symbud Myntri Rangbah ka jylla u Sniawbhalang Dhar u sa leit ban shim bynta kum u kongsan bad u Bah Kyrmen Shylla kum u Symbud Kongsan nalor kiwei kiwei ki sahep sorkar.
Ha kane ka jinglehñiam ar tylli ki shnong kin shim bynta ba kynthup ïaka shnong Urim Khliehshnong bad ka Sohkymphor ryngkat bad 13 tylli ki rong bad ki rot bad la wer ruh ïaki paidbah ban wan sakhi ha katei ka sngi.
Na ka liang ka Seiñ Raij Sohkymphor ka la khot la we ria ki khun ki hajar ban wan ban shim bynta ha katei ka sngi ban leh ia ka niam ka rukom bad ruh ban pynlong ia kane ka lehniam behdeinkhlain ba kan long kaba jop.
Peit ruh:
