Ka kynhun ki Doctor ryngkat ki samla pule jong ka IA Ayurvedic Medical College bad ka PA Sangma International Medical College and Hospital (PIMCH) hapoh ka skulbah USTM, Baridua, Khanapara ha Ri Bhoi District mynta ka sngi ki la rakhe kyrpang ia kata ka sngi kyrpang ki Doctor ba la tip kum ka ‘National Doctor’s Day’.
Kane ka jingrakhe, ka long ruh shi bynta ban kynmaw burom ia ki kam bah bad ki kam kiba khraw ba la shakri da ki Doctor na ka bynta ban wan rah ia ka koit ka khiah jong ki paidbah hapoh ka ri India hi baroh kawei.
Ha kane ka jingrakhe, la ai burom ruh ia u Dr. Bidhan Chandra Roy, kaba dei ka lyngkhuh sngi kha bad ruh ka lyngkhuh sngi iap jongu, kum uwei na u Doctor hapoh ka ri India uba la noh synniang shibun eh na ka bynta ka koit ka khiah hapoh ka ri India hi baroh kawei.
Ia kane ka jingrakhe la sdang da kaba pynlong ia ka jingiaot cake bad bud sa da ki jingrwai bad kiwei ki prokram ba la shim bynta da ki samla pule bad ruh ki kyntien ba don jingmut ba la kren da ki nongkren bapher bapher.
U Prof. R.K. Sharma, Principal ka IAAMC, haba kren ha kane ka sngi ba la rakhe ia ka sngi ki kyrpang ki Doctor, u la ban khia ba kane ka sngi ka long ka sngi kaba kyrpang bad kaba ngi hap ban ia burom hapoh ka ri India hi baroh kawei bad khamtam ki synniang ki bynhei ba la noh synniang da u Dr. Bidhan Chandra Roy, ba ka sorkar ka la buh kyrpang ia kane ka sngi kum ka sngi na kyrpang ki doctor na ka daw jong une u Doctor uba la long u riewkhraw hapoh ka ri kum ka jingshakri ha ka liang u Doctor.
Ha ka jingrakhe ia ka sngi kyrpang ki Doctor ha PIMCH ha kaba la shim bynta da u Prof. G.D. Sharma, Vice Chancellor ka USTM kum u kongsan bad ryngkat ka jingdon lang u Prof. Dr. Biraj Kumar Das, Principal ka PIMC ryngkat ka kynhun ki Doctor.
