Nongpoh, Nailar 08: Ka Seng Samla Pahamsyiem Nongpoh Ri Bhoi District mynta ka sngi ka la pynlong iaka program jingpynkup burom bad sam iaki khusnam sha ki khynnah kiba pass bha haka SSLC bad HSSLC bad kynthup ia uwei u samla uba la ju mihkhmat ia ka jylla ha ka jingialekai Arm-wrestling ba la tip kyrteng kum u Riyan Lyngdoh na ka Shnong Pahamsyiem.
Ha kane ka prokram pynkup burom la wan shim bynta da u Bah Joseph Lambok Rymbai, Vice President ka KSU North Khasi Hills District kum u kongsan bad u Samla Shanbok Syngkli Assistant Secretary Shnong ka pahamsyiem kum u symbut kongsan lem bad ka jingdon lang ki Seng Longkmie, ki rangbah bad kynthup kitei ki samla kiba ioh pdiang ia ka khusnam.
La pyniaid ruh ia kane ka jingialang pynkup burom da u President ka Seng Samla Shnong Pahamsyiem u Samla Krispin Lapang ha ryngkat ka jingdon lang ki nongkitkam naduh u General Secretary u Samla Rudolf Thabah, Education Secretary Samla Balarisha Lyngdoh lem bad kiwei.
Pule ruh:Yn iaid paidbah ka Congress ha Shillong ban pyrshah ia ka jingpynkylla ka BJP ia ka FCRA
Ka phang jong kane ka prokram ka dei, “ka jingtrei shitom jong phi mynta kala pynkhreh iaka jingjop jong ka lashai jong ph, Bad khlem pep ka lawei jong phi kan ai khublei ia ka “Mynta” jong phi.
Ha kane ka sngi la ai jingkren ruh da kitei ki kongsan jong kane ka prokram, ha kaba ki la ai khublei ia ka seng Samla Shnong Pahamsyiem kiba shim ia kane ka sienjam ban ai mynsiem ia ki samla pule bad ruh ia kiwei ki samla kiba don sap ha kiwei kiwei ki bynta jong ka jingim.
Peit ruh:
