Shillong, Nailar 12: U Myntri Rangbah ka Jylla u Conrad K Sangma uba dei ruh u National President ka National People’s Party (NPP) ula pynksan ba kadei ka NPP napdeng baroh ki sengsain pyrthei jong ka Jylla kiba la leit markhmat ba ka Sorkar Pdeng ban pynpaw ka jingsngewkhia, halor ka jingthmu wanrah jingkylla haka Foreign Contribution Regulations Act (FCRA).
Haba kren shaki lad pathai khubor u Conrad ula iathuh ba naduh ki sngi nyngkong haba ioh khubor baka Sorkar Pdeng ka thmu wanrah jingpynkylla haka FCRA, ula lum iaki nongialam ka CBCI ban kynduh ia u Myntri Sorkar Pdeng u Kiren Rijiju ha Delhi.
U Conrad ula iathuh ruh ba kum u Myntri Rangbah ka Jylla ula ialam ruh iaka kynhun sha Delhi ban kynduh ia u Myntri ka tnat kam pohiing ka Sorkar Pdeng u Amit Shah ban pynpaw ka jingsngewkhia halor ka FCRA.
“Ngam kynmaw ban don kiwei ki sengsain pyrthei khamtam napoh Meghalaya kiba la leit shwa iaka NPP ban kynduh iaki Myntri Sorkar Pdeng ne iaka Sorkar halor kane ka mat” la ong u Conrad.
“Nga dap daka jingkmen baka Sorkar Pdeng kala rai ban phah iaka FCRA shaka Joint Parliament Committee bad nga kyrmen ba ka Committee kan sa lah ban pynbeit iaki jingsngewkhia jong ki bun balang kynthup ki kynhun niam bapher bapher” la ong u Conrad.
Peit ruh:Â
U Myntri Rangbah ula ong ba u kyrmen baka Joint Parliament Committee kan sa lah ban wad ki lad lynti ban pynthikna ba ka FCRA kan lah ban pyrkhing iaka jingbei tyngka na bar Ri bad haka juh ka por kan pynthikna ruh ba kan nym pynthut iaki kam ba bha bala leh daki kynhun niam bapher bapher.
