Nongpoh, Nailar 12: Ka Meghalaya Pradesh Congress Committee (MPCC) mynta ka sngi ka la bteng ia ka jingiakhih ban pyrshah ia ki jingpynkylla (Amendment) jong ka Foreign Contribution Regulation Act (FCRA) ba la pynlong mynta ka sngi ha phyllaw ka Nongpoh Town Shopping Complex ha Nongpoh.
Ha kane ka jingiakhih ban pyrshah ia ka FCRA la don lang u Bah Manuel Badwar uba dei u General Secretary ka MPPC, u Bah Henry Kharmuti, Vice President ka Meghalaya Youth Congress ryngkat kiwei ki nongkyrshan bad ki nongialam ka Congress na Ri Bhoi District.
Haba kren ha kane ka sngi, u Bah Manuel Bdwar kum u General Secretary ka MPCC, u la kynnoh ba ka jingthmu ka sorkar BJP ban wan rah ia ka jingkylla ha ka FCRA ka long ban ioh bor ban khniot ia ki jingdon jong ki ïingmane, ki skul, ki hospital bad kiwei kiwei ki jingdon jingem ba la pyniaid da ki Khristan bad kiwei kiwei ki kynhun seng mon sngewbha.
Pule ruh:Hadien ba shim khia ka sorkar jylla, wan poi ïing u Samla ba jah sha ka jylla Karnataka
U la ong ruh kane ka jingthmu ka sorkar BJP ban wan rah ia ka jingpynkylla ha ka FCRA ka long kum ka jingpynap shrip ia baroh ki jingdon jingem kino kino ki kynhun niam ha ka ri bad kane ka jingpynkylla ka dei ruh ka jingiatrei lang bad kata ka kynhun RSS.
Shuh shuh, u la ong ruh ba kane jingpynkylla ia ka FCRA (Amendment Bill) ka long ban khanglad ia ki kynhun niam kristan bapher bapher kiba ju ioh jingiarap na shabar ki ri bad shisien ba la pyntreikam ia kane ka Amendment Bill kan pynjynjar shibun eh ia ki kynhun niam Khristan ne ki seng trei mon sngewbha ba ki hap ban bud thik pathik ia ki kyndon ba ka BJP bad ka RSS ka wan rah khnang ba thmu thombor ia ki rit paidbah ha ka ri.
Peit ruh:
