New Delhi, Naitung 13: Ka long shisha ka jingsarong ia ka Ri Bhoi District bad ka jylla hi baroh kawei, ha kaba uwei u Rangbah mynta ka sngi u la ioh pdiang ia khusnam kyrpang ba la sam da ka president ka ri India ka Droupadi Murmu halor ki synniang ki bynhei kiba la pynneh pynsah halor ki tiar put tiar tem tynrai na Ri Bhoi District ha ka jylla Meghalaya.
Kane ka khusnam ba u la ioh pdiang mynta ka sngi ha Vigyan Bhawan, New Delhi na ka kti jong ka President ka ri India, ka dei kaba la tip kum ka Sangeet Natak Akademi Award (Akademi Puraskar) jong u snem 2024-2025.
Une u rangbah ba la ioh pdiang ia katei ka khusnam Sangeet Natak Akademi Award lyngba ka Ministry of Culture jong ka sorkar India la tip kyrteng kum u Bah Rani Maring na ka shnong Pahambirthem ba hap ha ka Raid Nonglyngdoh ha Ri Bhoi District.
Kane ka jingioh ia ka jingithuh ban ioh pdiang ia katei ka khusnam na ka sorkar India lyngba ka Ministry of Culture, ka dei ruh halor ka jingdon bynta kaba khraw kaba u la lah ban pynneh pynsah ia ki jingput jingtem tynrai kaba u la shna hi da lade.
Kumba la ioh lum jingtip, u Bah Rani Maring kum u nongrep na katei ka shnong Pahmbirthem na Ri Bhoi District, u la sdang ia ki kam shna jingshna ban shna ia ki jingput jingtem tynrai ka dei naduh u snem 2000, kaba u la ioh ka jinghikai da ki longshuwa ki manshuwa.
Peit ruh:
Ki jaid jingput jingtep kiba la shna bad pynwan dur hi da lade ki kynthup naduh ka Duitara, marangot, ksing, bom, saitar, ming, Tangmuri bad kiwei kiwei dei ki jingput jingtem.
