Shillong, Nailar 20: Ki pulit ka Nongbah Shillong hynnin ka miet ha ka jingleit twet ia ki nongialam ka KSU ki la pyndonkam syndon ban siat da ki tear gas ha ka ophis treikam ka KSU kaba don ha Jaiaw ha Nongbah Shillong.
Kane ka jingleit twet bad siat tear gas ha ka ophis ka KSU ka dei hadien ki jingjia ia thang ia ka Kali Boloro jong ka sorkar, ka jingkawang maw ia ki Kali sorkar bad kynthup ia ka Bus, kaba dei ha ki kynta ba pynlong ka KSU iaka Bike rally ha Nongbah Shillong.
Kumba la sakhi lyngba ki durkhih, ki Bor pulit ki la pyndokam ban siat da ki tear gas ha ka ophis treikam ka KSU ha Jaiaw bad kane ka jingsiat tear gas ki Pulit ka la ktah jur ba ka ophis ka KSU ka don ha ki jaka ba shong basah lang ki paidbah (Residential Area).
Ha kane ka jingsiat tear gas la ioh sngew ia ki jingsawa kaba jur ha ka por ba ki siat ia ki tear gas bad la lap ruh ia ki lyngkhot lyngkhai jong ki dak ba ki siat ia ka tiar gas.
Shuh shuh, kumba la sakhi, halor kane ka jingsiat tear gas la mih ruh ka jingsngewkhia kaba jur bha ha Jaiaw ba ki paidbah ki pynrem jur bad na ka liang ki paidbah ki la beh ruh wat ia ki bor pulit kiba wan ban siat tear gas ha ka ophis ka KSU, ba katei ka ophis ka don ha ki jaka ba bun ki paidbah ki shong ki sah lang marjan bad ka ophis ka KSU.
Peit ruh:
