Nongpoh, Nailar 20: Ki Driver Tourist na Assam bad kiwei kiwei ki paidbah ki la khang lut ia ki kali na Meghalaya ha Jorobat khlem da ailad shuh ban rung sha Assam bad lait noh tang ki Kali ba kit nongpang ki ioh lad ban leit sha Guwahati Assam.
Kane ka jingkhang ia ki Kali na Meghalaya ka dei na ka jingjia hynnin ka sngi ha Shillong ha ki kynta ba pynlonh ka KSU ia ka Bike rally ba la don ki Kali na Assam ki la shah kawang maw haduh ba lanjulor bad la don ruh kiba la mynsaw ha kitei ki jingjia.
Ban pyrshah ia kane ka jingshah ktah ki Kali na Assam ki driver na Assam bad ka kynhun Bir lachit Sena khlem salia ki la khang lynti lut ia baroh ki Kali Meghalaya bad ki la pynlait tang iaki Kali ba dei na Assam.
Ki la kynnoh ruh ba kane ka jingjia ka dei kaba la jia na ka daw ba ki Pulit ka Meghalaya kim shym la leh ei ei halor ka jingshah kawang maw ki Kali Assam bad ba la don ruh kiba mynsaw ki khyllung khynnah bad ki pynrem ruh haba ka KSU ka iakhih bad ka sorkar balei ka ktah pat ia ki paidbah na Assam ba la wan rah ki jingjulor ki Kali Assam.
Ki la dawa ruh na ka sorkar Meghalaya ba dei ban siew ia ka bai lutksan ki kali ba la julor bad ban siew ruh ia ka bai sumar ia kito kiba la mynsaw ha katei ka jingjia ba shah kawang maw bad shah pynjulor ki Kali na Assam.Thang Duson Ki Runar Bad Ingkhong Khait Ka Bolero Bad Ka Thuk Thuk Ka Tnad WR Ha Ri-Bhoi
Peit ruh:
