Nongpoh, Nailar 23: Haba kyrshan halor ki jingeh ki Driver tourist na Meghalaya kumba ki mat mynta na ki jingpynibor ki Driver Tourist na Assam, ka seng CSWO ha ka jingialam ka Kong Christabell Wanniang ka la dawa na ka sorkar ba dei ban tei noh da ka Inter State Tourist Terminus ha khappud Meghalaya bad Assam khnang ban weng noh ia ka jingeh ki driver Tourist na Meghalaya.
Haba kren sha ki lad pathai khubor, ka kong Christabell Wanniang ka la ther tyngeh balei wan rah iaka High Speed Corridor kaba ym pat da donkam eh ha ka jylla bad la dei ban tei shwa da ka inter state Tourist Terminus ha khappud khnang ba kane kan iarap ia ki driver Tourist na Meghalaya.
Sa pule ruh: AKMTTA Protests At Umiam, Seeks Fair Action From Meghalaya Government
Ka la ong ruh ba la py lut haduh 22 hajar klur ia katei ka surok high speed corridor kaba ym pat da donkam ha ka jylla bad la jin ba tei daka Inter State Tourist Ter.inus ha ka thain khanapara kan jin da la iarap shibun ia ki Driver tourist ka Meghalaya ba kin dang ioh shuh shuh ka lad kamai bad kin lait ruh na ka jingpynibor ki Driver Assam kaba ju jia man ka por ba ki hap ban shah ktah ka kamai kajih.
Na ka liang ki 2 ngut ki longkmie ka kong Saralinda Kharlukhi bad ka Kong Phersina Hynniewta ruh ki la wan ban kyrshan halor kine ki mat ba dawa ka CSWO bad ruh kaba long ka jingkyrshan ia ki driver Tourist na ka Jylla Meghalaya.
Sa peit ruh
