Ka Party Congress kam shym thlot ha Meghalaya, dei ba biej sbai rupa ki MLA Congress: RBDYCC

Nongpoh, Nailur 04: Kum shibynta ban nang pynkhlaiñ ïaka rukom treikam jong ka party congress haka thaiñ Nongpoh lyngba ki khun samla, mynta ka sngi ka 4 tarik Nailur Ki nongïalam Ka Ribhoi District Youth Congress Committee ki la ioh ban pynskhem ïaki dkhot kiba pura jong ka Nongpoh Block Youth Congress Committee haka jingialang kaba la long ha Nongpoh Community Hall.

Ïa kitei ki dkhot bad ki nongïalam jong ka Nongpoh Block Youth Congress la wan ban pynskhem bad pyntian smai da u President ka Ribhoi District Youth Congress Committee u Samla Standwell Manih.

Ki Samla kiba la kloi ban kit ban Bah iaka kam jong ka party ki kynthup ia u Samla Shepting Khymdeit kum u President, Samla John Lyngdoh Vice President, Samla Dimas Maring Secretary, U Ampiwell Thankhiew bad u Metring Pangcho kum ki Nongaibuit lane Adviser ryngkat bad kiwei kiwei ki Dkhot bad ki Nongkitkam kiba hakhmat.

Ha kane ka jingialang pynskhem ia kitei ki Nongkitkam bad ki dkhot ka Nongpoh Block Youth Congress Committee la sakhi lang da u Samla Norbert Jana Nongbet General Secretary Meghalaya Pradesh Youth Congress Committee, Samla Antonio Lapang Vice President Nongpoh Block Congress Committee, Bah Tyngshaiñ Lapang Vice President Ribhoi District Congress Committee lem bad kiwei kiwei kiba la mihkhmat na district bad na State.

Pule ruh: Kem ki Pulit ia u Samuel Kharbani GS ka KSU Shillong Mihngi ba kynnoh don kti haka jingjia haka 19 tarik ha Shillong

Ki Nongkren ha katei ka jingialang ki la iathuh ba ka Party Congress hapoh ka jylla Meghalaya Kam Shym la tlot bor hynrei ka dang khlaiñ haduh kine ki sngi kiba mynta bad ba ka party congress ka dang im haki mynsiem jong ki riew rangbah bad ki samla bad khamtam ki paidbah ka Meghalaya ki dang don ka jingieid iaka party Congress.

Ki la iathuh ruh, ka jingtlot jong ka Congress Kam shym la dei naki Nongtrei ne ki nongkit nongbah ia ka kam hynrei ka dei ka jingieid sbai jong ki Nongmihkhmat kiba jop donburom naka Party Congress kiba la shah thied noh ha kiwei pat ki party.

Peit ruh:

Kitei ki Nongkren ki la ai mynsiem iaki dkhot kiba Thymmai jong ka party ba kim dei ban duh mynsiem hynrei ba kin long ki ba skhem haka jingmut jingpyrkhat bad ban ia tylli para dkhot haba trei ia ka kam jong ka party.