Nongpoh, Sep 04: Ka KSU RIST-USTM Unit kum shi bynta ban pynneh pynsah ia la ki riti ki dustur bad ban lumlang ia ki samla pule Khasi ha ka skulbah RIST bad USTM mynta ka sngi ka la pynlong da kawei ka lympung ba la tip kum ka Pynneh La Riti.
Kane ka jingpynlong ia kane ka lympung pynneh la riti ka dei shi bynta ka thong ba kum ki samla kim dei ban klet ia la ka tynrai nad kiri ki dustur. Ha kane ka lympung ki samla pule kynthei bad shynrang ki la shim bynta ruh naduh ka rwai ka siaw, ka put ka tem bad ki jingshad tynrai kaba long shi bynta bynta ba ka jaid bynriew khasi ka dei kaba riewspah ha la riti ka dustur bad ka put ka tem tynrai.
Ia kane ka lympung la wan shim bynta da u samla Banjop Maring Assistant Secretary ka KSU Ri Bhoi Unit kum u kongsan ad la don ryngkat ruh u Assistant organizing secretary u samla Jester Nongbet, ka Prof. Amelia Nongbet lem bad ki nongialam bad ki dkhot ka KSU RIST-USTM Unit.
Pule ruh: Phoebe Dale Nongrum to Represent India at Asia Auto Gymkhana Championship in Uzbekistan
Ha kane ka sngi la sam ruh ia ki khusnam sha ki nongjop bapher bapher kiba la shim bynta ha kane ka Lympung pynneh la riti.
La ai jingkren ruh da u samla Banjop Maring uba la ai mynsiem ia ki samla pule Khasi ha USTM ba kim dei ban klet ia la ka tynrai bad kum ki samla ki dei ban da la ka akor ka burom khasi kaba long ka jingithuh iala ka jaid bynriew.
Peit ruh:
