Nongpoh, Nailur 07: Ka Khasi Students Union North Khasi Hills District Unit mynta ka sngi ka la pynlong da ka jingiarah ia ki placard ryngkat ki jingthoh ban pynpaw ia ki mat jingdawa ha ka jingwan iuhkjat u Vice president ka ri India u C. P. Radhakrishnan sha Nongbah Shillong.
Ha ka jingialam u Samla Jester Nongbet kum u Assistant organising ka KSU North Khasi Hills Unit bad u Samla Bashem Kharnaior President ka Umiam Circle lem bad ki dkhot mynta ka sngi ki la rah ia ki placard bad ki jingtoh da kaba ap ha Umiam ban pynpaw sha u Vice President ban pynurlong ia ki mad jingdawa ka seng KSU ha kane ka jingwan poi jong u sha Nongbah Shillong.
Ki jingtoh kiba ki la pynpaw ki kynthup ban dawa pyntreikam ia ka ILP, ban pynrung ia ka ktien Khasi ha ka khyrnit ba phra ka riti synshar ka ri, ban tuklar ia ka jingthungkam ba dei ban long 80:20 ki kynthei bad shynrang ha NEIGRIHMS lem bad kiwei kiwei ki jingdawa.
Hadien ba la wan poi u Vice President da ka kali kaba u shong ki la rah ia ki placard bad pyrta ruh ia kitei ki mad jingdawa ba ka seng KSU ka kyntu ia une u Vice President ka ri ban pynurlong lem ia kitei ki mat jingdawa ka seng.
