Nongpoh, Nailur 07: Da ka jingpeitngor ia kawei ka Longkmie kaba la phet rieh ia lade hadiien ba ka la pom da u Sdie ia la u Lok kaba la jia hynnin ka miet jong ka sngi u Blei, ki paidbah nongshong shnong ka shnong Bardiua ki la ioh ban bat ia kane ka Longkmie katba ka dang iaid lynti ha ka surokbah National Highway-27 ha Baridua.
Kane ka Longkmie ba la tip kyrteng kum ka Poonam Bosper ka dei kaba la pom ia la u lok da u Sdie ba la tip kyrteng kum u Sikander Lyngdoh na ka shnong Baridua bad hadien ba la dep leh ia katei ka kam ka la phet noh ia lade na la ing.
Na ka liang ki paidbah kiba la ioh ban kem ia ka na Surok ki la rah noh sha Ing Dorbar ban bishar halor kane ka jingjia bad hadien kata na ka liang ka Dorbar Shnong ka la aiti noh sha ki Pulit ka Khanapara ban leh katkum ki kyndon jong ka ain halor ka jingpom ia u lok da u Sdie haduh ba u la mynsaw jur bad don mynta hapdeng ka jingsumar.
Pule ruh: Shen Yn Ieng Ka Mini Secretariat Ha Patharkhmah, Jurip U MLA & Ki Nongialam Shnong
Haba pyrshang ban wad jingtip halor kane ka jingjia kumba la batai da u Khun jong u Sikander Lyngdoh uba don lang la ong ba ha ka por mynmiet u la wan rah doh ban phah shet, hynrei ha kane ka por la mih ka jingiamai ia tim shi kurim haduh ba la ia ktah kti mar kylliang ha kaba kyndit kyndit kane ka kurim ka la shim da u side ban pom na ka khlieh u lok katba u dang peit TV ha kaba haduh 3 sien ne saw sien ka la pom bad ka sa phet krad noh ia lade bad ia u Sdie ruh ka leit bret sha khlaw hajan iing bad nangta ka la phone ia hymen jong u ban pyntip ba ka la pom da u Sdie ia u.
Peit ruh:
U Rangbah shnong u Bah Ioanis Narleng u la pynpaw ia ka jingsngewkhia bad pynrem jur ruh halor ia kane ka briew kaba la nud ban leh ia katei ka kam da kaba pom syndon da u side ia la u lok kaba la thmu ban shim ia ka jingim jong u khlem da don shuh ka mynsiem ia tip lem ha ka imlang ka sahlang bad u la buh ruh ka jingkyrpad ia ki bor ka ain ba kin pynshitom da kaba tyngeh khnang ba kum kine ki jingjia kin nym jia shuh hadien habud bad kaba ktah ruh wat ia ka shonguk shongsain ki paidbah nongshong shnong.
