Nongpoh, Nailur 07: Ka Voice of the People Party (VPP) Youth Wing Ri Bhoi District ha ka jingialam u Samla Garlanding Sun kum u General Secretary ryngkat ka jingdon lang kiwei ki dkhot mynta ka sngi ka la leit syndon ban kynduh ia u Deputy Commissioner ka Ri Bhoi Dr. Abhishek Sani kaba dei halor ka jingpynshlem ban pynmih ia ka result ka DSC jong ki post bapher bapher ha Ri Bhoi District.
Ha kane ka jingleit kynduh ki la aiti ruh ia ka dorkhas ban pynpaw halor kitei ki mat ka jingpynslem ban pynmih noh ia ka result jong ka DSC wat hadien ba ia ka Personal Interview la dep ban pynlong ha ka 31 tarik u Nailar 2026.
Haba kren sha ki lad pathai Khubor, u General Secretary ka VPP Ri Bhoi Youth Wing, u la ong ba ka party ka shim ia kane ka sienjam ban leit kynduh ia u Deputy Commissioner ka Ri Bhoi, ka long ban kyrpad ba dei ban pynmih noh kham kloi ia ka result jong ka DSC ha ki post ba laitkam bapher bapher kumba na ka liang ka DSC ka la dep ban pynlong ia ka personal interview.
Pule ruh: Pdiang burom u Conrad haba wan poi u Vice President Ka Ri India Ha Umroi Airport
U la ong ruh ba na ka liang ka VPP Ri Bhoi Youth Wing ka kyntu ia u Deputy Commissioner ka Ri Bhoi ba ym dei ban don kano kano ka jinglehtuh ne leh shiliang ha kitei ki post ba lait kam bad haba pynbna ia ka result ka dei ban long kaba khuid kaba suba kaba dei katkum ka jinglah jong kito ki Samla wad kam.
Peit ruh:
Shuh shuh, ha kane ka jingkynduh ia u Deputy Commissioner ka long ka jingkmen ia ka VPP Ri Bhoi Youth Wing ba na ka liang u Deputy Commissioner u la kular ba ia ka result jong ka DSC yn mih paidbah noh ha lane shwa ka 15 tarik u Nailur 2026, u la bynrap.
