Nongpoh, Nailur 07: Halor ka jingdawa jong ka Kynhun ki Nongñiah Tourist bad Taxi kamai ka jylla ka ba la tip kyrteng ka All Khasi Meghalaya Tourist & Taxi Association (AKMTTA), naka liang ka Sorkar Meghalaya ka la khot ïaka jingialang lashai ka sngi ha State Guest House ban ïa kren bad ki nongïalam ka AKMTTA.
Naka liang ka AKMTTA mynta ka sngi ka la lum īaka jingialang ban ia kren pynkhreh ha shwa ba kin leit lashai ka sngi sha katei ka jingialang ba la khot daka sorkar hakaba la wan ban ïa Snohktilang da ki Nongialam naki kynhun Nongñiah Kali bapher bapher jong ka jylla.
Haba kren sha ki lad pathai khubor, U Bah Ricaldinus Dohling President ka AKMTTA u la Pynpaw ba ka Kynhun kan leit sha katei ka jingialang kaba la khot daka Sorkar daka jingangnud ba ka sorkar kan sngap bad kan pynurlong ruh iaka jingdawa jong ka Association kaba la dawa naduh u snem 2023.
Pule ruh: Hadien 20 Snem Iohrung AFC Asian Cup 2027 Ka Kynhun Ialehkai Phutbol U-20 Ka India
Shuh shuh u la ong ba lada ka jingiakynduh lashai ka sngi kam sei soh bad kam pynhun ïaka association katkum ka jingdawa, Ka Association kan pynkhreh ban shim pat da kiwei ki sienjam kiba kham tyngeh khnang ba kan pynduh thiah duh dem iaka Sorkar tad haduh ba kan pynsngap iaka jingeh bad jingdawa jong ki Nongñiah Kali Kamai jong ka jylla.
U President ka AKMTTA u la Pynpaw ruh ba ka Association ka la pynkhreh lypa iaki plan ban ïa kren lashai ka sngi ba ka sorkar ka dei ban pynurlong noh ia kine ki jingdawa bad ba lada ka jingiakren kam urlong, ka Association ka kan rai kut lada ka sorkar ka kwah ban Mat ïaka ding ne kan mat iaka um kaba jai jai bad kan shong haka rai jong ka sorkar lashai ka sngi.
Peit ruh:
Shuh shuh u Bah Ricaldinus Dohling u la Pynpaw ba kan nym don kano kano ka jingpynsangeh ïaki kali kamai lashai ka sngi bad ba ki Nongñiah Kali ki lah ban kamai kumba ki juh long bad ha kajuh kapor la khot ruh ia baroh ki President bad ki secretary lem bad ki dkhot jong baroh ki Association ba kin wan ban synran lang ha katei ka jingialang kaba la khot daka Sorkar.
