Tashkent, Nailur 07: Ka kynhun ialehkai phutbol U-20 ka India, ki la lah ban pynthikna ialade ban rung sha ka AFC Asian Cup 2027 ha China bad ka ban long ha u Bnai Lber bad Iaiong jong u snem ban wan.
Ka jingpynthikna ia ka kynhun ialehkai ka India ba kin iohrung ha katei ka Lympung ialehkai phutbol ba heh ha Dewbah Asia, ka dei hadien ba la lah ban khur namjop ha ka jingiakhun pyrshah ia ka Bangladesh AFC U-20 Asian Cup Qualifier, kaba la long ha Dostlik Stadium ha Nongbah Tashkent ka ri Uzbekistan, ha kaba ka India, ka la lah ban pynliem noh ia ka Bangladesh da 3-0.
Sa pule ruh: Pom Ka Lok Da U Sdie Iala U Lok Haduh Ba Mynsaw Bad Lyngkien Da Ka Snam Ha Baridua
Kum ban shu kdew hangne, ba ka India ka don ha ka Group-B ha ka AFC U-20 Asian Cup Qualifier, ka jingiakhun ban knieh rung sha ka AFC U-20 Asian Cup 2027, ha kaba la don kiwei pat ki ri kiba la kiew ha ka kam ialehkai phutbol, kiba kynthup ia ka Uzbekistan, Syria bad Bangladesh.
Ha ka jingiakhun ha Group-B, ka India ka la shah rem tang ha Uzbekistan, hynrei ka la jop ia ka Syria bad Bangladesh, kaba la pynthikna syndon ba kan iohrung sha ka AFC Asian Cup 2027.
Sa peit ruh
[…] Sa pule ruh: Hadien 20 Snem Iohrung AFC Asian Cup 2027 Ka Kynhun Ialehkai Phutbol U-20 Ka India […]