Kyntu u Tengjen Imna Along  iaki samla pule ka USTM ban weng ka jingsngew niam bad sngew jaidbynriew

Nongpoh, Nailur 10: Ka skulbah University of Science Technology Meghalaya (USTM), mynta ka sngi ki la pynlong ia ka Orientation Programme ne ka prokram ban pdiang sngewbha ia kito ki samla pule kiba dang shu rung thymmai hapoh katei ka skulbah kaba don ha Baridua, Ri Bhoi.

Ha katei ka prokram ban pdiang burom ia kitei ki samla ba dang rung thymmai ha USTM, la wan ban pdiang sngewbha da u Temjen Imna Along, Myntri ka tnat pule puthi ka sorkar Nagaland, ha ryngkat ka Mahbubul Hoque, Chancellor ka USTM, ki nonghikai lem bad ki samla kiba pule ha katei ka skulbah.

Haba ai jingkren ha katei ka sngi, u Temjen Imna Along, u la iaroh ia ka jinglong jingman ka skulbah USTM bad uba la ong ruh ba ka USTM, ba kam dei tang kata ka jaka kaba ai jinghikai ia ki samla pule, hynrei ka long ruh kum kawei na ki jaka, kaba pyniatylli ia ki samla na ki jylla bapher bapher kiba don Shatei Lam Mihngi.

Pule ruh: Ïa Lum Hi Ki Nongkyrshan Da Ki Hajar Ha Mawkynrew Ban Kyrshan Borbah Ïa U Dr. DRL Nonglait

U la kyntu ruh ia kitei ki samla pule thymmai, ba kin pynleit jingmut bha ha ki jingpule ha ki lain jingpule bapher bapher, khnang ba kin kiew ha ka jingim bad ba ki longheh longhain ha la ha la ki kyrdan kaba ki don.

U Temjen Imna Along, u la kyntu ruh ia ki samla kiba pule ha USTM, ba ki dei ban long kiba iatylli bad ban weng ia ka jingsngewniam ne sngewpher jaidbynrei, hynrei ki dei ban long kiba iatylli kawei bad ban pynlong ka jingsarong ba long kum ki nong India.

Peit ruh: