Nongpoh, Nailur 10: Ha ka lyngkhuh sngi iap ba shisnem u Dr. D.D Lapang, u riew khraw na Ri Bhoi bad ha ka jylla hi baroh kawei, ka skulbah University of Science Technology Meghalaya (USTM) ha ryngkat ka jingiatreilang bad ka Dr. D.D Lapang Foundation, mynta ka sngi, ki la pynlong ia ka jingrakhe kaba kyrpang bad kaba ki la pynlong ha Central Auditorium jong ka skulbah USTM.
Ha katei ka sngi ba la rakhe ia ka lyngkhuh sngi iap ba shisnem u Dr. D.D Lapang, la sakhi da ka jingdon u Bah Mayraldborn Syiem, MLA Nongpoh, kum u kongsan, ha ryngkat ka jingdon u Mahbubul Hoque, Chancellor ka USTM, kiba haiing hasem u Dr. D.D Lapang, ki nonghikai ka USTM lem bad ki samla pule ha katei ka skulbah.Lyngba katei ka sngi, ba la rakhe ia ka lyngkhuh sngi iap ba shisnem u Dr. D.D Lapang, na ka liang ka skulbah USTM lem bad ka Dr. D.D Lapang Foundation, ki la lah ban sam khusnam, sha kito ki nongjop ha ki jingiakop thoh Essay shaphang u Dr. D.D Lapang, ha kaba ki nongjop ki la ioh pdiang khusnam da ka pisa.
Ki nongai jingkren ha katei ka sngi, kaba kynthup ia u Bah Mayraldborn Syiem bad u Mahbubul Hoque, ki la iaroh ia ki kam babha jong u Dr. D.D Lapang, kaba u la leh na bynta ka Ri Bhoi bad ha ka jylla, ha ki por ba u dang long kum u nongmihkhmat paidbah.
Pule ruh: Conrad, Himanta Meet Sitharaman In Delhi To Discuss EAP Fundings
Ki la iaroh ruh, da kaba ong ba u Dr. D.D Lapang, u la dei uwei na ki riewkhraw na Ri Bhoi bad uba la saindur ia ka Ri Bhoi, kaba la pynlong ia ka Ri Bhoi, ba kan kiew ha baroh ki liang ha ki kam pynroi.
Ha ka jingkren u MLA Nongpoh bad Chancellor ka USTM, ki la kyntu ia ki samla pule ka USTM ba ki dei ban pyrshang ha ka ban bud ia ki dienjat jong u Dr. D.D Lapang, ban long kum kita ki briew kiba don jingkitkhlieh bad ban wanrah ia ka bha ka miet ha ka imlang sahlang.
Peit ruh:
