Nongpoh Nailur: Ka Nongpoh Region Auto Owners and Drivers Association ka la pyntip paidbah ba ka la shim ïa ka rai ban pynkiew ïa ka bai Autohapoh ka thaiñ Nongpoh, hadien ba ka Association ka la dep ban shong jingïalang bad ki dkhot, kumjuh ruh ban ïakynduh ïa u Commissioner ka Tnad Transport, Sorkar Meghalaya, halor ka dor bai kali.
Haba Kren sha ki ladpathai Khubor naka ka Liang u Bah Banasar Lyngdoh President ka Association, ha ka jingdon ryngkat u Bah Felix Albert Secretary, u Bah Carnelius mawrie Finance Secretary ki la pyntip naka Liang ka Association ka shim ia kane ka rai ban pynkiew bai Auto kadei kat kum ka jingtip jong ka sorkar ym ba ki shu pynkiew khlem ka jingtip jong ka sorkar.
U Bah Banasar Lyngdoh u la ong ba hadien ka jingïakynduh bad u Commissioner ka Tnad Transport, ka Association ka la ïoh ïa ka jingpynshai ba ka sorkar ka la dep pynkiew ïa ka bai kali naduh u snem 2020. Hynrei, katkum ka jingong jong u, ki nongniah Auto ha Nongpoh kim shym la ïoh ïa ka jingtip halor kane ka jingpynkiew dor, bad ki dang bteng ban shim ïa ka bai Auto katkum ka dor kaba rim haduh mynta.
U la ong ruh ba ka Association ka la shim ïa kane ka sienjam hadien ba ka la ïoh ïa ka jingpynshai bad ka jingthoh na ka liang jong u Commissioner, kaba pyni ïa ka dor bai kali katkum ka Government Rate.
Ha kajuh ka por, ka Association ka la kyntu ïa ki nongleit nongwan ba lada don kino kino ki nongniah Auto kiba shim palat ïa ka dor ba la buh, ki paidbah ki lah ban pyntip sha ki nongïalam jong ka Association, khnang ba ka Association kan lah ban shim ïa ki sienjam kiba donkam bad ki la pyntip ruh ba kane ka jingpynkiew bai Auto kan nym treikam ia ki khynnah skul bad ki samla pule hynrei tang ia ki riew Paidbah.
Sa peit ruh
[…] Sa pule ruh: Rai Ka Association Ki Auto Rickshaw Ban Pynkiew Dor Bai Kali Haka Thain Nongpoh […]